2016.12.21

Jezusek mały

Podle melodyje „Dzisiaj w Betlejem”

1.Jezusek Mały, Jezusek Mały

dzisiej sie narodziōł,

we szopie w sianie, we szopie w sianie,

płacze z zimna, z głodu.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

2.Pastuszki z pola, pastuszki z pola

wartko przileciały,

bo tyż Dzieciōntku, bo tyż Dzieciōntku

pokłōnić sie chciały.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

3.Za nimi lecōm, za nimi lecōm:

wōł, ôsioł, a baran,

bo tyż chcōm przeca, bo tyż chcōm przeca

klynknyć na kolana.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

4.Gwiozdka na niebie, gwiozdka na niebie

drōga pokazuje,

coby trefiyły, coby trefiyły

ze Wschodu Trzi Króle.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

5.Prziwiōźli złoto, prziwiōźli złoto,

kadzidło, a mirra,

bo tyż sie chcieli, bo tyż sie chcieli

pokłōnić na chwila.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

6.My tyż pujdymy, my tyż pujdymy

do Betlyjki możno,

bo śpiywym chcymy, bo śpiywym chcymy

Dzieciōnteczko ôgrzoć.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

7.Pōdź z nami do dōm, pōdź z nami do dōm,

bo tam mosz wygoda,

a wejź ze sobōm, a wejź ze sobōm:

pokōj, przoci, zgoda.

Mamulka Maryj,

a Zefek Stary

sianka pod głōwka

kładōm do żłōbka,

przikrywajōm deczkōm,

a nad kolybeczkōm

nynej, nynej mu śpiywajōm.

Fojerman