Tak se myśla, wiela to
tyn piniondz na świecie je wert, wiela woży? O naszym niy byda za
wiela godoł, bo chocioż padajom, że on je złoty, to mie sie zdo,
że on je yno taki owinyty w pozłotka. Dycko padali, że tyn
nimiecki to je dużo wert, ale jak se wziyni tych przocieli ze
wschodu, to zaroz straciół marka. Toż możno japoński? Dyć on je
jakiś taki jyny, jyny. A te Turki, słyszeliście o tym, to som same
muzykanty, na lirach grajom. We Rumunii sie piniondzami leje. Za to
dejcie se pozor na Bułgarów, bo oni majom te piniondze jakiś lewe.
Czechy, ci to majom piniondze dużo wert, bo majom same korony, ale
ni majom glow do tego. Te ruski, to taki ru... ble, ble. Jo wom radza
dać se pozor na Anglikow, jejich piniondze to wożom aże font. Dyć
Amerykonow żodyn niy przebije. Oni to we briftaszy pora cyntow
noszom. Bezto powymyślali te roztomańte karty, konta, a inksze
cuda, żeby tela niy dźwigać.
.png)