2010.11.12

Rozważowani Ślónzoka

Kto żeś Ty je? Prosty człowiek,

Co Pón Bóczka w sercu chowie.

Skónd żeś Ty je ? Jo ze Ślónska,

Z najlepszego świata kónska.

Kaj tyn Ślónsk je? W nas je przeca:

We starzikach, ojcach, dzieciach.

Jaki Ón je? Je prawdziwy,

Prosty, dobry, sprawiedliwy.

Kaj go szukać? Kole nas.

Ón sam bół bez cały czas.

Jak go poznać? Po robocie.

Czysty plac, sztachety w płocie.

Kto mu przaje? Kto sie przizno,

Że je jego Ojcowiznóm.

Co go boli? Że sie traci.

Umiyrajóm mu kamraci.

I co dalij? Czas pokoże,

Czy Ón na nas liczyć może.

Tóż Przociele! Jednym słowym:

Trza tyn Ślónsk przekozać młodym.

Fojerman