2018.08.20

W dobroci była siyła

Trefiyło sie zło z dobrociōm,

Na łōnce, kajś pod lasym,

A zaczły sie dzielić robotōm,

Słōńcym, wodōm a czasym.

Zło było zaroz do haje,

Robota porwało do sia.

Dobroć stanyła do raje.

Uśmiychu dej mi - prosza.

Do szczynścio niy trza mi wiela:

Słonka, spokoju w niedziela.

Zło cołki czas porwało.

Dobroci ôstała chwila.

Choć było tego mało,

W dobroci była siyła.

Fojerman