2007.02.26

Ón tu mo swój dóm

Już gruby nóm downo zawrzyli,

bo wóngel wywiyźli na wschód,

tak dłógo tyn Ślónsk nasz grabiyli,

aż biyda nastała i głód.



Tóż trzeba nóm chodzić na hołda,

nazbiyrać se wónglo na chlyb,

sprzedali na sklep już tyn teryn,

kaj kedyś tyn grubski stoł szyb.



Markety nóm same stawiajóm:

"Reale", "Kerfury","Oszóm",

a dló nos roboty niy majóm

i Ślónzok, jak dycko, je sóm.



Tóż zbiyro te biksy po piwie

i wiezie ich wózkiym na złóm,

ón nigdy sie skarżył niy bydzie,

bo przeca ón tu mo swój dóm,

bo przeca ón tu mo swój dóm.

Fojerman

Uwaga. Śpiywać do melodie "Puste koperty"