2014.03.15

Szuflodka

Mōm sam piykno szuflodka,

Mama dali mi klucz,

A w nij ta Nasza Godka.

Ucz sie jōm synek, ucz!

Tata mi dycko bojoł,

Co starzik mu przekozoł,

A mi, choćby tyn wojok,

Klucza wachować kozoł

Trzimia go kajś we duszy,

Głymboko skryty na dnie,

Tōż żodyn go niy ruszy

I mi go niy ukradnie.

Niy weźnie mi go sōnd.

To jo go trzimia w gości.

Jo klucz od mamy mōm

Z szuflodki o ślōnskości

Fojerman