2012.02.27

Elefant a wywiórka.

Prosiół elefant wywiórka, co miyszkała w dziupli,

Co by sie nawzajym na chałupy ciupli,

Bo już od dzieciństwa marzół ón ogrómnie,

Co by choć na chwilka pomiyszkać na strómie.

Do góry po astach elefant sie spino,

A stróm sie do ziymie pod nim aż ugino.

Siod se na rozkrace, widoki podziwio,

A stróm sie pochylo, coroz bardziyj skrziwio.

Oroz gałynź praskła i na ziymia rómbła.

Och ty elefancie, ale z ciebie trómba,

Wywiórka tyż gupio, została bez dziuple,

Dopiyro sie teraz po tej łepie klupie.

Fojerman