Posłóchejcie ludzie,

Co chcymy Wóm pedzieć:

Poklachać trocha, pośpiywać,

Przi piwku posiedzieć.

My sóm ślónski chłopy,

Piszymy gupoty,

Co jedyn kónda napisze,

Drugi śpiywo potym.

Jedyn „Zegródka” mo

I dycko ó nia dbo,

Piyknie tam wszystko flancuje.

Utopka kożdy zno.

W czerwónyej kapelce

Z kopytkym na nodze.

Niejedna dziołcha góniół już

Utopek przi wodzie.

Drugi leje wodóm,

Przaje ślónskim słowóm,

Fojerman godkóm bawi sie,

Naszóm, ślónskóm mowóm.

Niech godka ta kwitnie,

Pozwijio sie piyknie,

Jak chcesz jóm z nami zachwolać,

Pośpiywać se styknie.

Siedzymy na ryczce,

Przi małej pyrtulce,

I fajnie mijo nóm tyn czas

Przi słónskij muzyczce.

Wóm tyż zrobiymy plac,

Siodejcie kole nas,

Kto chce sam z nami bawić sie.

Niech wartko dowo znać.

Przelecioł wieczór już,

Trza sie wybiyrać spać,

Tóż piyknie wszystkich żegnómy,

Jutro przidymy zaś.

Fojerman

Uwaga. Śpiywać do melodie „Z tamtej stróny rzyki”