2018.12.12

Waldwizo

Waldwizo, lesie praje boski,

Za rzykōm, kaj żech chytoł raki,

Lesie magiczny, inkszy jakiś,

Tam skryty hań, na kraju wioski,

Kaj sie bez zima szło w Potoku

Na sōnkach, nartach sjyżdżać z gōrki.

Na podzim gōnić szło wywiōrki,

A lotać w kożdej porze roku.

Potym sie zaczło wszystko miynić,

Bo gruba zaczła robić szkody.

Waldwizie moc czarowno wziyni.

W rzyce już grubski były wody,

I piykna było coroz mynij,

I człowiek przestoł tyż być młody.

Fojerman