2006.11.11

Ty, Ślónsko Ziymio

Ty, Ślónsko Ziymio, hołdami przikryto,

z wiyrchu zatruto, ze spodku przeryto,

Ty, coś od wieków wóngel nóm dowała,

była żeś ciyrpliwo i niy chalatałaś.



Ty, jak ta matka, dzieckóm jeś przinosisz,

choć luft mosz zatruty, ó nic sie niy prosisz,

choć górnicze szkody i wszystko sie wali,

choć zatrute wody, Ty służysz nóm dali.



Ale wiela jeszcze dosz rady wytrzimać?

Chynci mosz nojlepsze, ale cudów niy ma,

tóż czas już najwyższy o ta ziymia zadbać,

muszymy, my wszyscy, do tego sie zabrać.



Jo o to Wos prosza: dbejcie o ta ziymia.

Papiór wciep do kosza i ogranicz chymia,

nie zatruwej wody, lasów nie wycinej,

porzóndku ucz młodych, sztyjc im przipóminej.



Fojerman