2006.12.31

Tam je mój dóm

Tam, kaj te hołdy, wysoki taki,

jak Himalaje wyrosły nóm,

tam, kaj te gruby, huty, fabryki.

Tam je mój dóm.



Tam, kaj te lasy, tyn luft zatruty,

tam, kaj te czorne rzyki sóm,

Tam, kaj te piykne sóm familoki.

Tam je mój dóm.



Tam, kaj ci ludzie, robotni tacy,

jo tam familjo swoja móm.

Tam żech urodziył sie przed laty.

Tam je mój dóm.



Tam, kaj tyn jynzyk słychać znajómy,

tam, kaj kamratów swojich móm,

tam sóm rodzinne moji stróny.

Tam je mój dóm.



Jedne jest miejsce na świecie taki,

choć pora inkszych, piyknych znóm,

jo niy zamiynia Ślónska mojigo.

Tam je mój dóm.


Fojerman