2010.10.14

We Rybniku

Ze seryje ”O Tigrze we fligrze”

Kotek, co go już znómy

Je strasznie zagónióny,

Tóż sie wybiyro na krótko

I nazod przijedzie jutro.

Tasza pod parzóm ścisko

I leci na lotnisko,

Aż mu dychu brakuje,

Ale sztyjc kómbinuje.

Chce odrzutowcym lecieć.

To ni ma tak łaps pedzieć,

Bo "możno bydzie pryndzyj,

Czy ón złónduje wszyndzi?

Możno lepszy tyn pyrtek,

Bo ón sie wszyndzi zwyrtnie.

Ón siednie na trowniku."

Tak wylóndowoł w Rybniku.

Piykne sam sóm widoki,

Tóż ciepnół trocha okym:

Zabytki, Plaza, Fokus.

Zwiydzać szło by pół roku.

(...)

Fojerman