2006.12.25

Jedna tako noc

Je jedna tako noc w roku,

Tōż wykorzystać nōm to trza.

Spytoł żech sie Kuby na boku:

Jak widzi świat ôkym psa?


A ôn po łepie sie dropie,

Myśli co by tu rzec

I pado mi tak: chłopie,

Mie dziwi jedna rzecz.


Wy tak we ta Wilijo

Ôpłatkym sie łōmiecie,

A jak to yno mijo,

Zaś tela zła je w świecie.


Niech kożdy z Wos sprōbuje,

Być lepszy choć pora dni,

Możno to poskutkuje.

Tak Kuba ôdpedzioł mi.


I dodoł: mie sie marzi,

Byście kożdy dziyń se przoli,

Bych mōg nastympnym razym,

Choć trocha Wos pochwolić.


Fojerman