2009.07.24

Obowiónzek

Prziszła baba do spowiedzi,

wlazła do spowiadalnice,

widzi, że tam farorz siedzi,

tóż mu pado w tajymnicy:

-Farorzyczku jo zgrzeszyla,

bo żech poszła z chłopym spać.

Tako żech niedobro była,

rozgrzeszynie chciyj mi dać.

-Dyć paniczko, to niy grzych,

bo tego wymago zwiónzek.

Nawet wiyncy padół bych:

to był przeca obowiónzek.

Idze baba łepóm krynci:

Farorz pado obowiónzek?

Jak mi przidóm nowe chynci,

zaś sie prześpia za pinióndze.

Fojerman