Giskana Fojermana Loci wody po naszymu, nie yno do rymu
 
Danga
Linki
Velorex
Godōmy po naszymu
Ślōnsk znany a niyznany
Piyrszo strona
O mie
Napisz do mie - kontakt 
Fraszki a powiedzynia
Radzijów, Rybnik
Fraszki a powiedzynia II
Fraszki a powiedzynia III
Opowiadania
Dlo dziecek
O Tigrze we fligrze
Dlo dziecek II
Slónsk downiyj
Slónsk dzisiej
Ślónsk dzisiej II
Ślónsk dzisiej III
Limeryki
Śpiywki ślónski
Limeryki II
Prziroda
Wiersze roztomańte
Wiersze roztomańte II
Wiersze roztomańte III
O Fojermanie
O kocie w samolocie
Po polsku - dla dzieci
Po polsku - różne
Po polsku - dla dzieci II
Po polsku - dla dzieci III
Po polsku - różne II
To już było (archiwum)
Podziel sie sobom
Bruksela
Miszmasz
Kiczka
Godej_haslo
Wożymy
Rybnicki rōnda
 


Licznik

o2u.pl - darmowe liczniki

Ksiónżka gości

 

Nowości i zmiany

2011.10.20


Jajko z gruczóm, abo lisozaur



      Historyjo ta wydarziła się fest downo tymu, wtedy, jak na ziymi żyły jeszcze ogrómne dinozaury. Ptoki niósły wtedy okróngłe jajka, jak bale. Wtedy to wydarziła sie wielko tragedyjo: do kurnika, kaj kura miała sniyś jajko, zakrod sie wielki i groźny lisozaur. Porwoł kura, kero sie niczego nie spodziywała i zaczón z nióm uciekac do lasa, żeby jóm oszkubać i zeżrać. Biydoczka, niy miała żodnych szans na ratónek, ale tak fest przoła życiu, że w chciała dać te życi małymu kurzóntku w jajku i postanowiła sniyś te jajko, chocioż sama była w pysku lisosaura i jeji chwile były już policzóne. Wielko była opowoga kury, przeca jajko mógło sie strzaskać, jak spadnie na ziymia, ale kura niy miała wyboru, tóż czekała yno, aż bydzie trocha trowy i... prask, jajko spadło i pokulało się po trowie. Całe szczynści, że sie nie strzaskało, ani lisozaur go nie zejrzoł, ale przi tymu, jak zleciało, jajko nabiło se grucza z jednej stróny i przestało być okróngłe jak bal. Urodziyło sie z niego kurzóntko, co miało cały życi grucza na główce i to óne opowiedziało inkszym ta historyjo. Jak się o tym dowiedziały inksze kury, a za nimi wszystki ptoki, to zwołały wielki zebrani, coby porzykać za ta bohatersko kura i postanowiyły tyż, ze od tego czasu bydóm niyś jajka z gruczóm z jednej stróny.


Fojerman


 
Copyright (c)2009-2017 {Fojerman}