2007.01.19

Do wiatroka


Widzisz teraz, mój wiatroku,

coś narobiył szkody?

Tyś wypuściył ze swych skrzideł

tyn wiaterek młody.



Tyn gizd młody, bez rozumu,

yno na to czekoł,

żeś go chwila z oka spuściył

i uciyk daleko.



Jak spuszczóny ze obujka,

bez umiaru dmuchoł,

niy zaglóndoł kaj to leci,

żodnego niy słuchoł.



Jo ci wierza, żeś  je słaby,

tóż krynć sie pomali,

ale wiater trzimej w skrzidłach,

niy dej sie oddalić.



Swoja siyła niych pokoże

na tych twojich skrzidłach,

nóm sie już ta wietrzno zima

downo przeca zbrzidła.


Fojerman