2008.11.21

Górolka

Kōnsek/fragment

Prziszła ci dzisiej dó nas górolka,

Przilazła z wielkim miechym na plecach.

Chciała se siednyć i wody szolka,

Bo już dziyń cały tak chodzi, przeca.

A jak se dychła trocha dopiyro,

Zaroz zaczyno swoja zachwolka:

- Kupcie Panocku - miech swój otwiyro -

Jako warzecha, abo rogolka.

Przido sie w dóma, Wóm, abo babie,

Tyn fajny tłóczek, czy nudelkula,

Abo te piykne drzewianne grabie.

Wszystko na izba z miecha wysuła.

(...)

Fojerman