Mój Ślónsku z młodości Niewiela zostało z ojcowych tych strón,
Od lot wszystko ginie, przewróciył sie dóm.
Już hołda przikryła i rzyka i las,
Już niy ma tam życio i niy ma tam nas.
Tak wartko sie traci, kochany tyn świat,
Jo prosza, jo wołóm: mój Ślónsku dej znak.
Mój Ślónsku z młodości. Jo tak przaja Ci.
Mój Ślónsku z młodości. Co noc mi sie śnisz.
Jak leża tak w nocy, widza Cie we mgle,
Zawiyróm se oczy i przi mie żeś je.
Tak teskno bez Ciebie, mijo dziyń za dniym,
Bo je żeś sam w nocy, a w dziyń yno ciyń.
Bo ludzie sóm inksi i w sercach je chłód,
Tóż yno sie prziśnić mój Ślónsku żeś móg.
Mój Ślónsku z młodości. Czy wrócisz sam zaś?
Mój Ślónsku z młodości. Rozkwitniesz jak maj?
Jo licza na Ciebie i prosza Cie wróć.
O soli i chlebie powitóm. Nó pódź!
Bo w Ciebie nadzieja
Sam na lepsze dni.
Mój Ślónsku z młodości. Jo tak przaja Ci.
Mój Ślónsku z młodości. Co noc mi sie śnisz.
.png)