2007.11.09

Yno w Rybniku

Niech inksi se jadóm do świata, kaj chcóm,

Do Niymiec, Australie, czy Chinów,

A jo sie z Rybnika niy rusza za próg,

Na Ślónsku, sam, dóm swój móm!



Bo, kaj znojda widok tak piykny, jak tu?

Yno w Rybniku!

Jo nikaj niy zejrza tych kuminów dwóch.

Yno w Rybniku.



Sam hanys, czy gorol, mo kożdy swój kónt,

I jedyn drugiymu niy wadzi.

A wónio sam tak, tym luftym spod grub,

Jak dychniesz se rano. Sóm miód!



Tóż jakbych mioł kedyś urodzić sie zaś -

Yno w Rybniku.

Bo, po co po świecie móm włóczyć sie kajś?

Niy ma jak Ślónsk!



Szukejcie, jak chcecie, fajniejszych kajś miast.

Dyć Rybnik jest jedyn na świecie.

Jo dycko powracać do siebie sam chca.

Na Ślónsku, sam, dóm swój móm.



Bo, kaj znojda widok tak piykny, jak tu...


Fojerman