2006.07.29

Ta moja Grabowina

Ta moja Grabowina,

tam na Podlesiu, w Radzijowie,

pisać móg bych godzina,

napisać cało powieść.



Te nasze pola, te pioski

i tyn las, ta Waldwiza,

tyn nasz zakóntek wioski

jo co noc, we śnie, widza.



Niy ma już Grabowiny

z lot, kedy jo był młody,

zostały yno ruiny,

bez te pieróński szkody.



Dómy nóm popynkały,

Pola zarosły chaszczami,

spómniynia yno zostały

i my ze spómniyniami.



Kedyś jo jeździył na kole

i stare dzieje spóminoł,

te lasy, łóki i pole,

co jo po dródze mijoł.



Teraz już jeżdża myni,

wola obejrzeć se zdjyncia,

óne przinoszóm spomniyni,

o Grabowinie z dzieciństwa...


Fojerman