2008.07.06

Zgoda

Żodyn nie cofnie miniónych lot.

Zaś idzie godać, tóż trza być rod.

Pomiyszoł ludzi tyn stary systym,

Tóż dbać muszymy o tyn Ślónsk wszyscy.


Nie kożdy musi sam umieć godać,

Bele do kupy panuje zgoda,

Niech kożdy swojij tradycji przaje,

Drugich szanuje, nie szuko chaje.


O to sie przeca yno rozchodzi,

Co by sam żyli wszyscy we zgodzie,

Co by żył Ślónzok, Polok, bez płot

I kożdy dlo sia sam miejsce znod.


Fojerman