2006.10.21

Lampka pamiynci

Tam na górce za kościołym,

kaj szumióm cicho strómy,

chodzymy dycko ze świyczkóm,

tam ojców naszych mómy.


Tam ptoki cicho śpiywajóm

i czas pomału płynie,

tam idzie porzykac w skupiyniu,

nas tyż to kedyś niy minie.


Przistóń chocioż na chwila,

jak idziesz po kerchowie

i widzisz krziż pochylóny

i mlycze rosnóm na grobie.


Jak widzisz grób opuszczóny,

pomyśl wtedy o sobie,

czy ktoś świyczka zapoli,

po latach, na twoim grobie.


Czy na to zasługujesz

bez całe swoji życi,

że jak cie już niy bydzie,

to ktoś ci znicz zaświyci...


Fojerman