2008.11.16

Psoty na niebie

Gwiozdka roz na niebie do miesiónczka mrugo,

A tyn stary psotnik, nie twało to dłógo,

Zrobiył śmiyszno maska, mioł w tym przeca wprawa

I tak do terazka twała by zabawa,

Bo i prómyk słóńca widzioł te sygnały,

Tóż by tak bez kóńca bawiyli świat cały,

Jakby niy Pónbóczek wejrzoł na nich z góry,

Kiwnół yno palcym, posłoł na nich chmury,

Blyskło sie, zagrzmiało, główki im skropiyło

I zaś niebo całe grzeczniutko świyciyło.


Fojerman