Zima

3 stycznia, 2019 /

Prziszła zima pod ôkynko,

Ôbleczōno jakoś ciynko,

Tōż żech wpuściōł jōm za dźwiyrze,

Bo mi żol jōm było szczyrze.

Niech posiedzi w nocy w dōma,

Rano pudzie w swoja strōna.

Rano stowōm fest po cichu,

A sam woda na tepichu

I na dworze tyż śniyg stajoł,

Prziszły hyca, choćby w maju.

Była by to moja wina,

Żech bōł ôgrzoł tak ta zima?

Jak sam jeszcze kedy przidzie,

Zankna przed niōm wartko dźwiyrze.