Zima w lesie

Sośniczka jegły do sia tuli,
coby sie schrōnić przed mrozym,
ôkryto w śnieżnyj koszuli
i czeko,
i czeko,
i czeko.

Śpiōm już strōmy i krzoki,
zajōnce usły pod miedzōm,
za morze uciykły ptoki,
daleko,
daleko,
daleko.

Wszyndzi cicho i bioło,
wszyjsko we śnie zastygło,
yno z daleka coś woło.
To echo,
to echo,
to echo.

Wszyjsko dokoła drzymie,
śniyg zgrzipi pod nogami
i las, aż zima minie,
przeczeko,
przeczeko,
przeczeko.