Yno w Rybniku

Niech inksi se jadōm do świata, kaj chcōm,
Do Niymiec, Australie, czy Chinōw,
A jo sie z Rybnika niy rusza za prōg,
Na Ślōnsku, sam, dōm swōj mōm!

Bo kaj znojda widok tak piykny, jak tu?
Yno w Rybniku!
Jo nikaj niy zejrza tych kōminōw dwōch.
Yno w Rybniku.

Sam hanys, czy gorol, mo kożdy swōj kōnt,
I jedyn drugiymu niy wadzi.
A wōnio sam tak, tym luftym spod grub,
Jak dychniesz se rano. Sōm miōd!

Tōż jak bych mioł kedyś urodzić sie zaś –
Yno w Rybniku.
Bo po co po świecie mōm smykać sie kajś?
Niy ma jak Ślōnsk!

Szukejcie, jak chcecie, fajniejszych kajś miast.
Dyć Rybnik je jedyn na świecie.
Jo dycko powracać do siebie sam chca.
Na Ślōnsku, sam, dōm swōj mōm.

Bo kaj znojda widok tak piykny, jak tu…