Wyna

Wziyna wyna autora za rynka,
A zakludziyła go do szynku.
-Synku, postow mi piwo,
A bydziesz bogaty,
Byda ci styrkać tymaty
I byda przi cia dycko.
Poretuj mie jednōm biksōm.
Ôn sie na nia podziwoł,
A pado: – Czy jo zgup.
Sama se piwo kup!
Tōż wyna stanyła ôd stoła,
A tak jak stoła, wziyna a poszła
Kajś na fecht.
Ôna miała recht.
Pora lot minyło,
A sie pōmiyniyło:
Biksy prziszło mu zbiyrać,
Coby stykło na biyra,
Bo bez wyny, człowieku,
Niy zōndziesz za daleko.