Tłōmaczynia

Wszyjscy dlo wszyjskich

17 września, 2026 /

Mulorz stawio chałupy,
Krawiec mu szyje ôblyczka,
Ale nic by niy uszōł,
Kejby niy mioł kaj miyszkać?

A i mulorz by przeca
Ku robocie niy ruszōł,
Kejby krawiec mu galot
A fartucha niy uszōł.
­
Piekorz mo mieć strzewiki,
Tōż do szewca iś trzeba,
Nō, a kejby niy piekorz,
To by niy mioł szwiec chleba.

Tak to ôni do kupy,
Dlo profitu spōlnego,
Wszyscy muszōm sam robić,
Mōj malutki kolego.

Autōr: Julian Tuwim
Tytuł ôryginalny: Wszyscy dla wszystkich
Przekłod na j. ślōnski: Stanisław Neblik (Fojerman)