Wilk a lis

22 czerwca, 2026 /

Wiōz wilk wōz,
Sōm go cis,
A lis nic.
Ôn se szoł
A sie śmioł
I mu chcioł
Na wōz wlyź.
-Dyć, sie chyć,
A tyż ciōng,
Bo jo sōm
Niy mōm siył.
Lis durch nic,
Kajś to mioł.
Wilk wziōn bicz:
Chlas bez rzić.
Dyć tyn gizd
Tyż go – prask.
Co mioł wilk?
Nos jak kłak.
A wōz cis
Wilk i tak,
Bo lis, gizd,
Niy cis nic.
Ôn se szoł
A sie śmioł.
Tak to je:
Kaj dwōch chce,
To roz dwa
Sie do, pra.
Dyć lis gro
Szpil, sie zdo.