We Włochach

Ze seryje „Ô Tigrze we fligrze„

Doszła do uszōw kotka
Tako niywinno plotka,
Że je na świecie kraj,
Kaj
Ludzie miyszkajōm w strzewiku.
Wyczuł,
Że to je dlō niego sprawa.
Wyprawa
Sie nowo szykuje.
Już we Włochach lōnduje
I ruszo na Połednie.
Uznoł, że se niy siednie,
Aż do Lecce zaleci.
A wiycie po co, dzieci?
Po co aż tak daleko?
Bo chce sie znojś we krōmfleku!
Potym polecioł dalij,
Ruszōł na Pōłnoc, bez Bari.
Już je pod Neapolym,
Leci na przimo bez pole,
Prosto do Wezewiusza.
Tyż go ôdwiydzić musza!

(…)