We Rybniku

ze seryje ”Ô Tigrze we fligrze”

Kotek, co go już znōmy
Je strasznie zagōniōny,
Tōż sie wybiyro na krōtko
I nazod przijedzie jutro.
Tasza pod parzōm ścisko
I leci na lotnisko,
Aż mu dychu brakuje,
Ale sztyjc kōmbinuje.
Chce ôdrzutowcym lecieć.
To niy ma tak łaps pedzieć,
Bo możno bydzie pryndzyj,
Czy ôn zlōnduje wszyndzi?
Możno lepszy tyn pyrtek,
Bo ôn sie wszyndzi zwyrtnie.
Ôn siednie na trowniku.
Tak wylōndowoł w Rybniku.
Piykne sam sōm widoki,
Tōż ciepnōł trocha ôkym:
Zabytki, Plaza, Fokus.
Zwiydzać szło by pōł roku.

(…)