We Bojkach Fojermana – Giskana Fojermana

We „Bojkach Fojermana”
Szmaterlok mo mobilnioka,
A żyrafie ôd rana
Lecōm płaczki ze ôka.
Miesiōnczka dopadła gripa,
Świycić na niebie niy może,
Dziyndzioł dziōb złōmoł, klipa,
Cug pojechoł nad morze.
Kot tōmpie po tepichu,
Tōż mysz sie skryła za ściana,
Wieprzki kwiczōm ze śmiychu
Ze sagigo barana.
Wywiōrka szuko piōrek,
Uczy sie pilnie sowa,
A staro sie papiōrek,
Że niy chcōm go zortować.
Czorny drach straszy dzieci,
Jegliczki sie rade bodōm,
Gwiozdka sie boji, że śleci,
Łebōnie sie bawiōm ze kozōm.
Mrowiec na łōnka prziszoł,
Zajōnczek sie trzynsie pod miedzōm.
A jo żech to sam ôpisoł,
Niech dzieci ô tym wiedzōm.