Wadziyły sie Ruda z Nacynōm

Wadziyły sie Ruda z Nacynōm,
(Bez Rybnik ôbie płynōm),
Kero z nich je ważniejszo,
Kero mo woda czyściejszo.
-Jo ôd Rydōłtōw płyna-
Chwolyła sie Nacyna.
-Jo płyna ôd Rudziczki,
A Żory mijōm dycki –
Ruda ji na to rzecze.
Tak dogaduje rzyka – rzyce.
-Tyś je cało we soli!
-Cie Paruszowiec zasmolōł!
Jak sie tak razym wadziyły –
Do ôczyszczalnie trefiyły.
I teraz już razym pływie,
Ruda z Nacynōm – w zalywie.