W zgodzie

Wiela na niebie gwiazd,
Tym modrym – żōłto świyci,
Tela może być nas,
Bo my sōm ślōnski dzieci.

Wiela kłōsek mo reż,
A w kłōskach wiela ziorek,
Tela nas bydzie tyż,
Jak stanie całe pole.

Wiela ziorek mo pioch?
Wiela je kropel w wodzie?
Trza zrobić piyrszy krok.
Siyła je dycko w zgodzie.

Kery sie czuje stōnd,
Mo w sobie ślōnsko dusza,
Trza sprawy w rynce wziōnś,
Bo my sōm przeca u sia.