W rozmiarze XXL

4 stycznia, 2007 /

Mosz ciała trocha za dużo?
Tōż to z uśmiychym wszyjsko bier.
Wiysz jaki fajne je życi,
Taki w rozmiarze XXL.

Jak zima trocha na dworze,
To cie mo przeca co grzoć,
A jak sie kto przituli,
To tyż je czymu przoć.

Tōż niy myśl yno ô tym,
Czy zaś do galot wleza,
Yno se pojydz, wypij,
Jak idziesz na impreza.

Wejź klusek pełny talyrz,
Przi stole rzōndź i dziel,
Piwa do kufla nalyj
I żyj w rozmiarze XXL.