Vtipy, abo skisly plyn

Choć po czesku niy poradza.
Pora słōwek Wōm sam wsadza,
Bo to je ciekawy kraj.
Tam mianujōm kviytniym maj,
Zamias gazu majōm plyn.
Wiatrok, to je vetrny mlyn.
Czesko gruba, to je dul,
A połowa, to tyż pul.
Kerownica, to je volant,
Telefōnym sie tam vola,
Miyszkani tam, to bydleni,
U nas niy ma, u nich neni.
Autobany, to dalnice,
U nich vtipy, u nas wice.
Nōmer, to po czesku cislo,
A skwaśniało, znaczy skislo.
Majōm nule zamias zer,
A kerōnek, to je smer.
Tam muterki majōm matki,
A do zadku, znaczy zpatky.
Chcesz kartofle, kup brambory,
A nemocny, to je chory.
Luft, to je po czesku vzduch,
A pro dwa, znaczy dlo dwōch.
Kachna, to je czesko kaczka,
A kukōfka, to kukacka.
Cug to je po czesku vlak,
A fojerman? Zgodnij jak.
Wiyncyj słówek niy znōm. Szkoda,
Bo bych dalij loł ta woda.