Tref ślimoka a mrowca

Trefiyli sie ślimok a mrowiec
Pod lasym kajś na trowie,
Tōż przi takim byzuchu
Niy bydōm siedzieć po suchu,
Posłali po flaszka do sklepu.
Dyć ślimok, z tōm jego łepōm,
Zarozki po dwōch keliszkach
Stoł sie blady jak kiszka,
A usnōł we swojij szupie.
-Jo ci przaja, ty strupie,
Dyć tyż żech niy ma dziecko,
Wiym, co udowosz dycko.
Chcesz mie wykiwać, chacharze,
Dyć jo cie ôdwieza na karze.
Kej sie ze mrowcym kamracisz,
Niech baba za flaszka zapłaci.