Tiger – poczōntek

Ze seryje „Ô Tigrze we fligrze„

W jednej bojkowej wsi,
Zwierzynco nōmer 3 –
Tabulka była na płocie,
Znod sie mamulce kocij
Malutki kocik.
Co było potym?
Przoli mu tata z mamōm
I Tiger mu dali na miano.
Możno ta historyjo,
Prziśni mi sie dopiyro
I wtedy Wōm ôpisza,
Wszysko, co sōm usłysza.
Tiger przejrzoł na ôczy,
I już na dwōr wyskoczōł.
Minyło pora dni
I znało go pōł wsi,
Ôn tyż ô kożdym wiedzioł,
Bo w miejscu niy usiedzioł.
Staro sie biydno mama,
Że siedzi w dōma sama
I załōmuje rynce.
Prosi: – -Niy lotej wiyncyj.

(…)