Śpiywki ślōnski

Tam w Betlejym

26 grudnia, 2019 /

Tam w Betlejym je nowina,
Że sie stała ta godzina
Co Pōnbōczek z Nieba prziszoł
W starej szopie na świat dzisio.

Zefek prziniōs Mu sianeczka,
A Marija ciepło deczka.
Kolybiōm Go yno, yno,
Tōż Dzieciōntko już hned nyno
We żłōbku,
We żłōbku.

Przilciały skōndś pastuszki,
Z nimi gynsi, a kaczuszki.
Stary baran, koza siwo,
Kożdy sie Dzieciōntku dziwo.

Zefek prziniōs Mu sianeczka,
A Marija ciepło deczka.
Kolybiōm Go yno, yno,
Tōż Dzieciōntko już hned nyno
We żłōbku,
We żłōbku.

I Trzi Krōle skuli gwiozdki,
Trefiyli do małej wioski,
Prziwiōźli mu na kamelach
Złota, miry mało wiela.

Zefek prziniōs Mu sianeczka,
A Marija ciepło deczka.
Kolybiōm Go yno, yno,
Tōż Dzieciōntko już hned nyno
We żłōbku,
We żłōbku.

My sie tyż tam wybierymy,
Bo sie tyż pokłōnić chcymy,
Pōnbōczkowi we Betlyjce,
Serca ôddać Mu w podziynce.

Zefek prziniōs Mu sianeczka,
A Marija ciepło deczka.
Kolybiōm Go yno, yno,
Tōż Dzieciōntko już hned nyno
We żłōbku,
We żłōbku.