Tam je mōj dōm

Tam kaj te hołdy, wysoki taki,
Jak Himalaje wyrosły nōm,
Tam, kaj te gruby, huty, fabryki,
Tam je mōj dōm.

Tam kaj te lasy, tyn luft zatruty,
Tam kaj te czorne rzyki sōm,
Tam kaj te piykne sōm familoki,
Tam je mōj dōm.

Tam kaj Ci ludzie, robotni tacy,
Jo familijo swoja mōm.
Tam żech urodziōł sie przed laty,
Tam je mōj dōm.

Tam kaj tyn jynzyk słychać znajōmy,
Tam kaj kamratōw swojich mōm,
Tam familijne moji strōny,
Tam je mōj dōm.

Jedne je miejsce na świecie taki,
Choć pora inkszych, piyknych znōm,
Jo niy zamiynia Ślōnska mojigo,
Tam je mōj dōm.