Szła koza na torg

Szła koza na torg,
chce kupić na borg
fōnt siana.

Posłała by chłopa,
dyć z nim mo utropa
ôd rana.

Naszłepoł sie biyru,
a pō nim dziepiyro
je gupi,

Jak zejrzi kaj sklep,
to wina zaś cep
nakupi.

A małe koziczki
sōm głodne jak dycki,
niy wiedzōm,

Czy mama koziczka
już niesie trowniczka,
czy zjedzōm?

A możno im tata
zaś ciepnie sie na ta
trowniczka?

Ôn śpi na tepichu,
tōż kōńcza po cichu
pieśniczka.