Śpiywki ślōnski

Świyci gwiozdka

31 grudnia, 2019 /

Świyci gwiozdka nad Betlejym,
Cōż sie to tam stało,
Kōmu sie tak piyknie śmieje
Ta gwiozdeczka mało?

Świyć tak gwiozdko coroz jaśniyj
A ôświycej drōga,
Niech w nas nigdy niy zagaśnie
Nasza wiara w Boga.

Przileciały już pastuszki
Pokłōnić sie Dziecku,
Przewijajōm mu pieluszki,
Przikrywajōm deczkōm.

Świyć tak gwiozdko coroz jaśniyj
A ôświycej drōga,
Niech w nas nigdy niy zagaśnie
Nasza wiara w Boga.

Kole żłōbka tak stanyli,
W tej ciasnej kōmorze,
Żodyn niy chce w takij chwili
Ôstać kaj na dworze.

Świyć tak gwiozdko coroz jaśniyj
A ôświycej drōga,
Niech w nas nigdy niy zagaśnie
Nasza wiara w Boga.

Ôroz wszyscy zaczli chuchać
Coby było cieplij,
Nazbiyrali sianka trocha,
Do żłōbeczka wciepli.

Świyć tak gwiozdko coroz jaśniyj
A ôświycej drōga,
Niech w nas nigdy niy zagaśnie
Nasza wiara w Boga.

Wōł i yjzel, baran z kozōm,
Klynczōm przi żłōbeczku,
Bo jim Anioł bōł pokozoł
Pōnbōczka w tym Dziecku.

Świyć tak gwiozdko coroz jaśniyj
A ôświycej drōga,
Niech w nas nigdy niy zagaśnie
Nasza wiara w Boga.