Stary krziż

Stoji przi drōdze krziż stary,
A pod nim świyże kwiotka,
Ôznaka Ôjcōw Naszych wiary.
Piyknie je widok taki spotkać.

To je tradycjo naszych przodkōw
I trzeba dalij to szanować,
Na rowni z naszōm, ślōnskōm, godkōm,
Pod krziżym skłōnić nisko głowa.

Niykedy wert je stanyć przi kaplicy,
Pōmyśleć ô latach miniōnych,
Spōmnieć ô ludziach z ôkolicy,
Tragediach niyôdgodniōnych.

Tam nasze ôjce, starziki,
Ô tyn Ślōnsk krew przeloli,
A teraz te pōmniki
Sie niszczōm, że serce boli.

Dużo jest takich przikładōw
Przi drōgach, polach, lasach,
Ôby niy mynij śladōw
Zostało po naszych czasach.

Teraz sam mōmy wolność,
Niy trzeba krwie przelywać,
Ale tym bardziyj niy wolno
Historie z pamiynci wyrywać.