Sōm taki dni

Sōm taki dni,
Że siedzisz nad rzykōm,
Chytosz woda w palce,
Ôna ci ucieko,
Przegrywosz w tej walce,
Jak w życiu.

Sōm taki dni,
Że płacze Ci dusza,
Bo ktoś Ci sie śni,
Tyn głos słyszysz w uszach,
Siedzisz wtedy cicho
I czekosz.

Sōm taki dni,
Że niy mosz pomysłu,
Jak mosz dalij żyć,
Sypie Ci sie wszysko,
Skłodosz wtedy rynce
I rzykosz.

Sōm taki dni,
Że idziesz przed siebie,
Cały świat je zły
I gwiazdy na niebie,
Niy chce Ci sie żyć.
Uciekosz.

Dość takich dni!.
Rozejrzij sie w koło.
Możno je kajś ktoś,
Kto do Ciebie woło.
Poszukej drugigo
człowieka.