Śpiywki ślōnski

Ślōnzoka z daleka poznosz

25 czyrwnia, 2009 /

Niy wszyjscy ludzie to wiedzōm,
co tukej za skarby siedzōm,
bez wielki i lata już starzik i tata
godali to swojim dzieciōm:

Sam kożdy Ślōnzok ô ziymia dbo,
kożdy na placu porzōndek mo.
Jedyn drugigo szanuje fest,
sam kożdy sōmsiod przocielym jest.
Jedyn drugigo szanuje fest,
sam kożdy sōmsiod przocielym jest.

Trza wszyskim powiedzieć głośno,
Ślōnzoka z daleka poznosz,
ôn przaje robocie, sztachety mo w płocie,
niy żyje, jak żodyn hadziaj.

Chcesz ze Ślōnzokym w zgodzie żyć, to
chyć sie roboty, posprzōntej, bo
Slōnzok porzōndek chce u sia mieć,
jak chcesz marasić, to do sia jedź.
Slōnzok porzōndek chce u sia mieć,
jak chcesz marasić, to do sia jedź.