Ślōnsku mōj

Ślōnsku, Ty Moja Ôjcowizno,
Pisza ô ciebie w wierszu,
Dycko do ciebie sie prziznōm
I byda mioł Cie w sercu.

Niy ma takigo miejsca,
Na całym, bożym świecie,
Co wpado tak do serca,
Prōbujcie szukać, jak chcecie.

Możecie jechać do NRF-u,
Czy inkszej Ameryki,
Dycko zostanie w człowieku,
Tyn widok: gruby, fabryki.

Nikaj stōnd niy wyjedziesz,
Choćbyś niy wiym co robiōł,
Bo w sercu ci bydzie siedzieć,
Żeś sie hanysym urodziōł.