Ślōnsko godka

Jako żeś ty je, nasza ślōnsko godko? Jedna,
Czy je was wiyncyj? Co yno se z kim kaj siedna,
Słysza inksze słowa. Je to ta sama mowa?
Jedyn pado, że u nich sie rzōndzi. Czy błōndzi?
Chyba niy. Drugi godo: a u nas sie prawi.
Czy trza go poprawić? Jo tego bych niy zrobiōł.
Myśla, że trza sie z tym pogodzić. Pomiyszali
Bez wieki ta nasza kultura, tōż trza dalij
Robić swoji: godać, pisać, jak kery umi.
Myśla, że ślōnzok – Ślōnzoka dycko zrozumi.
Chcecie stworzyć jynzyk – życza Wōm powodzynia,
A jo pisza, jak umia i sie już niy zmiynia.