Rym

Tōż
Tak
Roz
Dwa,
Z prōznōm
Kartkōm
Zaczna
Wartko:
Czym je rym?
Czy jo wiym?
Dyckoch bōł
Chłop bez szkōł.
Wiela razy
Te wyrazy
Mi sam bracie
W „poymacie”
Choćby te strupy
Wlezōm do kupy.
Możno co wy mie
Takigo drzimie,
Że rym mi tak przaje?
Cisnōm sie do raje,
Choćby te wojoki.
Abo ożyroki,
Co im trza kōntmana,
Co by pić do rana.
Jak kery sōm siod,
Zaroz go sōmsiod
Za rynka trzimie.
„Siodej sam przi mie!”
Żyjōm piyknie.
Jak rym psiknie,
Już mu pila
Sam za chwila
Dowo rym.
„Jo to wiym,
Że tak trza
W zgodzie, pra,
Nōm żyć.”
Nō dyć.
Toć, że
Dobrze.
Sie
Trzim,
Jak
Rym.