Rozważowani Ślōnzoka

Kto żeś Ty je? Prosty człowiek,
Co Pōnbōczka w sercu chowie.

Skōnd żeś Ty je? Jo ze Ślōnska,
Z najlepszego świata kōnska.

Kaj tyn Ślōnsk je? W nas je przeca:
We starzikach, ôjcach, dzieciach.

Jaki Ôn je? Je prawdziwy,
Prosty, dobry, sprawiedliwy.

Kaj go szukać? Kole nas.
Ôn sam bōł bez cały czas.

Jak go poznać? Po robocie.
Czysty plac, sztachety w płocie.

Kto mu przaje? Kto sie przizno,
Że je jego Ôjcowiznōm.

Co go boli? Że sie traci.
Umiyrajōm mu kamraci.

I co dalij? Czas pokoże,
Czy sie na nas spuścić może.

Tōż Przociele! Jednym słowym:
Trza tyn Ślōnsk przekozać młodym.