Poeta?

Kerys mi padoł, żech je poeta,
A jo se yno trzi po trzi pleta,
Trocha wicuja, trocha rymuja
I sie poetōm żodnym niy czuja.
Jo se sam żyja na Ślōnsku skrōmnie
I ôbserwuja tyn świat koło mie,
Czasym zapisza te swoji myśli,
Co kaj usłysza, co mi sie prziśni.
A na co mi to, te wszyjski rymy?
My sie ze sobōm dobrze czujymy.
Tak sie to wszyjsko fajnie ukłodo,
I człowiek przi nich czuje sie młodo.
A jak sie kedyś zmierznie, to przecież
Dycko se moga zrobić DELETE.